اسلام آباد (مانیٹرنگ ڈیسک) عوامی مسلم لیگ کے رہنما شیخ رشید احمد نے کہا کہ اسلامی ممالک نے کبھی کشمیریوں کے لیے دعا بھی نہیں کی تو یہ ہماری مدد کیسے کریں گے۔ شیخ رشید احمد نے قومی اسمبلی میں بات کرتے ہوئے کہا کہ ہمیں خود کو مضبوط کرنا ہوگا، ہمارے سفارتی تعلقات بہت ہی کمزور ہیں دوسری طرف اسلامی دنیا بھی ہماری مدد نہیں کرتی۔ ہم تو پوری امت مسلمہ کا درد رکھتے ہیں مگر وہ لوگ تو کشمیریوں کی مدد تو دور کی بات ان کے لیے دعا بھی نہیں کرتے۔ عوامی مسلم لیگ کے رہنما شیخ رشید نے کہا کہ وہ رمضان المبارک میں

جب سعودی عرب گئے تو انہوں نے اپنی پوری کوشش کی کہ 27 ویں شب کو کشمیریوں کے لیے دعا کرائی جا سکے مگر ان کی تمام تر کوششیں رد کردی گئیں، ایک طرف تو یہ عالم ہے اور دوسری طرف نریندر مودی کو سعودی عرب بلا کر سب سے بڑا سول اعزاز دیا جاتا ہے یہ اعزاز ہمارے حکمرانوں کو کبھی بھی نہیں دیا گیا۔ شیخ رشید احمد نے کہا کہ نریندر مودی پاکستان کے خلاف متحرک ہے اور وہ ٹرمپ جیسے صدر کو پاکستان کے خلاف استعمال کر رہا ہے، انہوں نے کہا کہ اس لیے ضروری ہے کہ ہم بھی کوئی ٹھوس حکمت عملی اختیار کریں۔