اسلام آباد (مانیٹرنگ ڈیسک) خواہش نہ ہونے کے باوجود شدید شرمندگی کا سامنا، وزیر داخلہ احسن اقبال کے ساتھ وہ ہو گیا جس کا انہوں نے کبھی سوچا بھی نہ ہو گا، تفصیلات کے مطابق یونیورسٹی آف انجینئرنگ اینڈ ٹیکنالوجی لاہور کی طرف سے وفاقی وزیر داخلہ احسن اقبال کو ڈاکٹریٹ کی اعزازی ڈگری دینے سے انکار کر دیا گیا۔ یونیورسٹی کے وائس چانسلر ڈاکٹر فضل احمد خالد نے وزیر داخلہ احسن اقبال کو ڈاکٹریٹ کی اعزازی ڈگری دینے کی تجویز پیش دی مگر یونیورسٹی کی سنڈیکیٹ نے وزیر داخلہ احسن اقبال کو پی ایچ ڈی کی ڈگری دینے کی تجویز

کو مسترد کر دیا گیا ، سنڈیکیٹ ذرائع کا کہنا تھا کہ کہ ممبران نے احسن اقبال پر اپنے تحفظات کا اظہار کیا اور کہا کہ چونکہ یونیورسٹی کے لیے ان کی ایسی کوئی قابل قدر خدمات موجود نہیں ہیں جن کے اعتراف میں انہیں پی ایچ ڈی کی ڈگری دی جائے۔ واضح رہے کہ وزیر داخلہ احسن اقبال یونیورسٹی آف انجینئرنگ اینڈ ٹیکنالوجی کے گریجویٹ ہیں اور یونیورسٹی نے اس سے پہلے سابق وائس چانسلر لیفٹیننٹ جنرل (ر) محمد اکرم خان کو پی ایچ ڈی کی اعزازی ڈگری جاری کی گئی تھی اور انہیں 17 سال بطور وائس چانسلر کے خدمات کے صلے میں دی گئی تھی۔