کراچی(این این آئی)سندھ کے وزیرصنعت وتجارت منظورحسین وسان نے نیا خواب دیکھ لیاہے ، انہوں نے کہا ہے کہ ملک میں الیکشن وقت سے پہلے ہونگے،نوازشریف نے ٹکراؤ کیا تو الیکشن میں تاخیر ہوگی۔ سیاستدانوں کیلئے 2ماہ اہم ہیں ، عید پر بڑوں کی قربانی ہوگی۔تفصیلات کے مطابق وزیرصنعت سندھ اور پیپلز پارٹی کے رہنما منظوروسان کی ملک کی سیاسی صورتحال پر پیشگوئیاں جاری ہیں، منظوروسان نے کہاہے ملک میں الیکشن وقت سے پہلے ہونگے،

نوازشریف نے ٹکراؤ کیا تو الیکشن میں تاخیر ہوگی، نوازشریف ملک سے باہر چلے گئے تو جیل سے بچ سکتے ہیں۔انہوں نے کہا کہ سیاستدانوں کیلئے نومبر ،اکتوبر اہم ہیں ، عید پر بڑوں کی قربانی ہوگی، کچھ رہیں گے اور کچھ چلے جائیں گے۔ٹرمپ کے پاکستان پر الزامات کے حوالے سے منظور وسان نے کہاکہ ٹرمپ بیان نہ دیتا تو احتساب کا عمل تیز ہوتا، پاکستان کی پوزیشن ڈاؤن کرنے کی کوشش کی جارہی ہے۔انھوں نے کہا کہ سندھ میں ایم کیو ایم دھڑے الیکشن سے پہلے ایک ہوجائیں گے۔