اسلام آباد(مانیٹرنگ ڈیسک)پاکستانی اداکارہ و ماڈل ماورا حسین نے وکالت کی ڈگری کے لیے سال دوئم کا امتحان پاس کرلیا۔خیال رہے کہ ماورا حسین نے وکالت کے لیے ایل ایل بی کے پروگرام میں 2014 میں داخلہ لیا تھا، تاہم اداکاری سمیت دیگر مصروفیات کے باعث وہ تعلیم کو مکمل نہیں کر پائیں تھیں۔ایل ایل بی کو مکمل نہ کرپانے پر افسوس کا اظہار کرتے ہوئے ماووا حسین نے رواں برس فروری میں ہر حال میں وکالت کا امتحان

پاس کرنے کا عزم کیا۔فروری میں ڈان امیجز سے بات چیت کے دوران ماورا حسین نے بتایا کہ وہ رواں برس مئی تک مکمل طور پر ایل ایل بی کے امتحانات کی تیاری کریں گی۔اداکارہ نے اپنے انسٹاگرام اکائونٹ پر پاکستانی اخبار میں شائع ہونے کے لیے تیار اشتہار کی تصویر شیئر کرتے ہوئے اپنے مداحوں کو بتایا کہ انہوں نے ایل ایل بی سال دوئم کا امتحان پاس کرلیا۔شیئر کی گئی تصویر میں ماورا حسین کا کارڈ دیکھا جاسکتا ہے، جس میں اداکارہ کے نام سمیت 3 میرٹس اور (دوسرا سال) پڑھا جاسکتا ہے۔تصویر میں پاکستان کے دیگر طلبہ کے کارڈز بھی دیکھے جا سکتے ہیںاداکارہ نے اس کامیابی پر اپنے مداحوں کا شکریہ ادا کرتے ہوئے بتایا کہ انہوں نے یہ کام اپنی والدہ کے خواب کو مکمل کرنے کے لیے کیا۔ماورا حسین کا کہنا تھا کہ ’ان کی والدہ کا خواب تھا کہ وہ وکالت کی تعلیم حاصل کریں‘، انہوں نے کامیابی پر اپنے اساتذہ کا بھی شکریہ ادا کیا۔خیال رہے کہ ماروا حسین نے اس سے قبل بھی لندن یونیورسٹی سے وکالت کا ڈپلومہ حاصل کر رکھا ہے، جب کہ انہوں نے 6 ماہ تک میڈیسن کی تعلیم بھی حاصل کی، مگر اسے بھی برقرار نہ رکھ سکیں۔ماورا حسین جہاں کامیاب اداکارہ ہیں، وہیں وہ اپنے تعلیمی کیریئر کو بھی آگے بڑھانا چاہتی ہیں، انہوں نے فیشن ڈزائنگ میں بھی خصوصی تربیت لے رکھی ہے۔ماورہ حسین متعدد معروف ٹی وی ڈراموں سمیت 2016 میں بولی وڈ فلم ’صنم تیری قسم‘ میں بھی ڈیبیو کر چکی ہیں، جب کہ وہ پاکستانی ٹیلی فلموں میں بھی کام کر چکی ہیں۔

I was awaiting this passport size picture in The News Pakistan before I announced that I Concluded this year with 3 Merits, aiming for a First class LLB inshAllah ??? Thankyou for always praying for me y’all!!! ??❤️ P.s Nothing makes me happier than achieving something my mother has dreamt off for me @raziamakhdoom it’s all because you believe I shall academically achieve even more despite my career. Thankyou for always pushing me to get better! Love you Ma, I’ll always be your little girl! Nothing without you! ?‍? P.P.S Thankyou my amazing amazing faculty for Teaching me w so much Love & putting up with my crazy travel plans & shoot routines! I can never thank you all enough!!!! ??????????

A post shared by MAWRA ? (@mawrellous) on Aug 21, 2017 at 1:53am PDT

موضوعات:ماورا حسین