اسلام آباد(مانیٹرنگ ڈیسک) معروف مذہبی اسکالر اوراینکرپرسن عامر لیاقت کا بول ٹی وی پر دوبارہ واپسی کا امکان،میڈیا رپورٹس کے مطابق معروف مذہبی اسکالر اور اینکر پرسن عامر لیاقت کی جانب سے پچھلے ہفتے نجی ٹی وی چینل بول ٹی وی کو خیر باد کہنے کا اعلان کیا گیا تھا۔ عامر لیاقت بول ٹی وی پر 2 پروگرامز کی میزبانی کے فرائض انجام دے رہے تھے۔
تازہ ترین اطلاعات کے مطابق عامر لیاقت اور بول ٹی وی چینل انتظامیہ کے درمیان اختلافات پیدا ہوگئے تھے جو اب دور کر لیے گئے ہیں۔ عامر لیاقت جلد ہی بول ٹی وی پر دوبارہ واپسی کریں گے۔ عامر لیاقت اپنے دونوں پروگرامز کی میزبانی کے فرائض دوبارہ سے انجام دیں گے۔ واضح رہے اس سے پہلے ساجد حسن کی جانب سے بھی بول ٹی وی سے علیحدگی کا اعلان کیا تھا۔
