لاہور(آن لائن)سابق وزیراعظم نوازشریف کی اہلیہ کلثوم نواز نجی دورے پر لندن روانہ ہوگئیں، وہ طبی معائنے کے لئے برطانیہ جارہی ہیں۔تفصیلات کے مطابق کلثوم نواز لندن روانگی کیلئے لاہور ایئر پورٹ پہنچیں اور پی آئی اے کی پرواز پی کے 757 کے ذریعے لندن روانہ ہوگئیں۔ کلثوم نواز طبی معائنے کیلئے لندن جا رہی ہیں۔ کلثوم نوازکی ٹکٹ کے مطابق وہ 24 ستمبر کی صبح 4 بجکر40 منٹ پر وطن واپس پہنچیں گی جب کہ ترجمان شریف فیملی کا کہنا ہے

کہ کلثوم نواز تین روز میں واپس آجائیں گی۔دوسری جانب بیگم کلثوم نوازنے این اے 120 کاغذات کی جانچ پڑتال کے لئے جمعرات کو دوپہر 3 بجے الیکشن کمیشن آفس میں پیش ہوناتھا تاہم لندن روانگی کے بعد ان کے وکیل اور کورنگ امیدوار میاں نعمان ریٹرننگ افسر کے سامنے پیش ہوں گے۔کلثوم نواز این اے 120 کے ضمنی الیکشن کیلئے مسلم لیگ ن کی جانب سے امیدوار ہیں اور مخالف سیاسی جماعتوں کی جانب سے ان کے کاغذات نامزدگی پر اعتراضات اٹھائے گئے ہیں۔