ملتان(آئی این پی)ملتان کا لیگی کارکن قائد کی محبت میں پارٹی عہدیداروں،وزراء اور اراکین اسمبلی سے بھی آگے نکل گیا۔سابق وزیراعظم میاں نوازشریف کے مشن جی ٹی روڈ کیلئے اپنی جمع پونجی خرچ کرکے چالیس گاڑیوں کا قافلہ روانہ کیا۔عبدالرحمن فری مسلم لیگ ن ملتان کا پرجوش کارکن اور قائد میاں نواز شریف کی محبت سے سرشار ہے۔
میاں نواز شریف کے مشن جی ٹی روڈ کیلئے عبدالرحمن فری نے اپنی جمع پونجی لاکھوں روپے خرچ کرکے ملتان سے چالیس گاڑیوں کا قافلہ روانہ کیا۔سوشل میڈیا پرمسلم لیگ(ن)کے حامیوں نے عبدالرحمن فری کو خراج تحسین پیش کرتے ہوئے اسے پارٹی کارکنوں کیلئے مثال قرار دیا ہے ۔لیگی کارکن عبدالرحمن فری کا کہنا ہے کہ عدلیہ کا فیصلہ قوم کے دلوں سے میاں نوازشریف کی محبت نہیں نکال سکتا ،میاں نوازشریف آج بھی دلوں کے وزیراعظم رہیں گے۔
