اسلام آباد(مانیٹرنگ ڈیسک)عائشہ گلالئی خاندان کے ہمراہ باہر جانے کیلئے ڈرامہ رچا رہی ہے، شہباز شریف نے شکست کے خوف سے ضمنی انتخاب سے دستبرداری اختیار کی، نواز شریف کرپشن پر نا اہل ہوئے عمران سے انکا موازنہ نہ کیا جائے، صوبائی وزیر اطلاعات خیبرپختونخواہ شوکت یوسفزئی کی میڈیا سے گفتگو۔ تفصیلات کے مطابق صوبائی وزیر اطلاعات خیبرپختونخواہ شوکت یوسفزئی نے میـڈیا سے گفتگو کرتے ہوئے کہا ہے کہ خیبرپختونخواہ
حکومت کو کوئی خطرہ نہیں عوام نے مینڈیٹ دیا ہے اور ہمیں مینڈیٹ کی حفاظت کرنی آتی ہے۔ انہوں نے عائشہ گلا لئی کے معاملے پر بات کرتے ہوئے کہا کہ عائشہ گلالئی خاندان کے ہمراہ باہر جانے کیلئے ڈرامہ رچا رہی ہے ۔ انہوں نے ن لیگ کو آڑے ہاتھوں لیتے ہوئے کہا کہ شہباز شریف نے شکست کے خوف سے حلقہ این اے 120کے ضمنی انتخاب سے دستبرداری اختیار کی ہے، نواز شریف کرپشن پر نا اہل ہوئے انکا عمران خان سے موازنہ نہ کیا جائے۔
