اسلام آباد(نیوزڈیسک)عائشہ گلالئی کے پیچھے کس کا ہاتھ ہے؟الزام کیوں لگائے؟عمران خان نے حقیقت بتادی، تفصیلات کے مطابق تحریک انصاف کا مشاورتی اجلاس چیئرمین عمران خان کے زیر صدارت بنی گالا میں منعقد ہوا، اجلاس میں شاہ محمودقریشی،نعیم الحق اور شفقت محمود سمیت دیگر رہنما شریک ہوئے ، اس موقع پر عائشہ گلالئی کے الزامات کاجائزہ لیاگیا اور عمران خان نے کہا کہ ن لیگ اب کردار کشی کا آخری ہتھیار آزما رہی ہے۔
انہوں نے کہا کہ یہ کوئی نئی بات نہیں ماضی میں بھی بینظیربھٹو کی کردار کشی کی گئی، انہوں نے کہا کہ مسلم لیگ ن سیاسی و قانونی محاذ پر ہار چکی اس لئے ایسے گھناﺅنے حربے آزمائے جارہے ہیں، انہوں نے دعویٰ کیا کہ نوازشریف کی اربوں کی جائیداد جلد ہی ضبط ہوجائے گی جبکہ ن لیگ آئندہ بھی اس قسم کے ہتھکنڈے اختیارکرسکتی ہے انہوں نے اس موقع پرتحریک انصاف کی ان خواتین کی تعریف کی جنہوں نے اظہار یکجہتی کیا اور الزامات کاڈٹ کر جواب دیا۔
