اسلام آباد(مانیٹرنگ ڈیسک)عائشہ گلا لئی نے جھوٹ بولا، اگر بات چلی تو ایان علی تک بھی جائے گی، جمشید دستی نے ایک اور محاذ کھول دیا۔ تفصیلات کے مطابق نجی ٹی وی پروگرام میں گفتگو کرتے ہوئے عام راج پارٹی کے سربراہ اور تحریک انصاف کے حمایتی ممبر قومی اسمبلی جمشید دستی نے نجی ٹی ویا ایکسپریس نیوز کے پروگرام’’تکرار‘‘ میں عمران خان پر

عائشہ گلا لئی کی جانب سے لگائے جانے والے سنگین الزامات کو بے بنیاد ، جھوٹا اور من گھڑت قرار دیا ہے۔ جمشید دستی کا کہنا تھا کہ عائشہ گلا لئی کے الزامات جھوٹ اور سازش کا حصہ لگتے ہیں۔ پروگرام میں شریک پیپلزپارٹی کی رہنما شہلا رضا کی جانب سے تحقیقات کے حوالے سے مطالبے کے عندیہ پر جمشید دستی کا کہنا تھا کہ اگر اس بات کی تحقیقات ہونی ہیں تو پھر بات ایان علی کی بھی ہو گی اور دیگر معاملات بھی اوپن ہونگے۔پروگرام میں شریک ن لیگ کے رہنما جاوید لطیف نے عائشہ گلا لئی کے الزامات پر کمیٹی بنانے کا مطالبہ کرتے ہوئے کہا کہ کیا سیتا وائٹ نے بھی عمران خان پر الزامات لگائے تھے؟جمشید دستی کا کہنا تھا کہ سیاست میں گندا کر دیا گیا ہے۔ اس سے پہلے حنا ربانی کھر اور بلاول بھٹو کا نام لیا جاتا رہا، شہباز شریف اور ایک بیوروکریٹ کی اہلیہ کے حوالے سے باتیں ہوئی، حمزہ شہباز اور عائشہ احد کا بھی نام سامنے آیا، شہلا رضا کا کہنا تھا کہ تنویر زمانی کے آصف علی زرداری پر الزامات پر اسے پروٹوکول دیا جاتا رہا ہے۔