اسلام آباد (مانیٹرنگ ڈیسک) شہباز شریف کا استعفیٰ، نیا وزیراعلیٰ پنجاب کون؟ ایسا نام سامنے آ گیا جس کا کسی نے سوچا تک نہ ہوگا، تفصیلات کے مطابق سپریم کورٹ کے فیصلے کے بعد اگر شہباز شریف کو نیا وزیراعظم بنایا جاتا ہے تو اس صورت میں رانا ثناء اللہ کو پنجاب کا وزیراعلیٰ بنائے جانے کا قوی امکان ہے، وزیراعظم نواز شریف کی نا اہلی کے بعد مسلم لیگ (ن) نئے وزیراعظم کے لیے مختلف ناموں پر غور کر رہی ہے، مسلم لیگ (ن)

کے ذرائع کے مطابق پہلے 45 روز کے لیے ایک عبوری وزیراعظم کا انتخاب کیا جائے گا، اس عرصے میں وزیراعلیٰ پنجاب میاں شہباز شریف کو الیکشن لڑوا کر قومی اسمبلی کی رکنیت دی جائے گی، اس کے بعد انہیں وزیراعظم بنادیا جائے گا، شہباز شریف کے بعد پنجاب کے وزیراعلیٰ کے لیے بھی ناموں پر غور جاری ہے جن میں چوہدری نثار علی خان، رانا ثناء اللہ اور اشفاق سرور کے نام شامل ہیں۔ اس حوالے سے جلد ہی فیصلے کر لیے جائیں گے۔