اسلام آباد(مانیٹرنگ ڈیسک) پیپلز پارٹی کے چیئرمین بلاول بھٹو نے کہا کہ میری والدہ بے نظیر نے بتایا تھا کہ نواز شریف ایک دن مجھے اور میرے والد ذو الفقار علی بھٹو کو یاد کریں گے اور نواز شریف ایک دن ضرور روئیں گے۔ آج جب نواز شریف کو پانامہ کیس میں سپریم کورٹ کے معزز جج صاحبان نے نا اہل قرار دیدیا ہے تو یہ پیشین گوئی درست ثابت ہو گئی ہے۔
بلاول بھٹو کا کہنا تھا کہ نواز شریف نے کرپشن کی ہے اور اس کی بنیاد پر وہ نا اہل ہوئے ہیں ۔ سپریم کورٹ کا فیصلہ جوڈیشل مارشل لا نہیں بلکہ قانون کے عین مطابق ہے۔ ایک سوال کے جواب میں بلاول بھٹو کا کہنا تھا کہ وہ سیاسی میدان میں نواز شریف سے رابطہ کرنے کی بجائے اپنی سیاست کریں گے اور فی الحال مسلم لیگ (ن) سے رابطے کا کاوئی ارادہ نہیں رکھتے۔
