کراچی (نیوزڈیسک) آنکھوں میں سہانے خواب سجائے دولہے کا جوڑا پہنے نعمان اور سفیان خوب دھوم دھڑکے سے شادی ہال پہنچے تو رشتہ داروں نے خوب آتش بازی کی۔ آتش بازی کے دوران گلشن اقبال میں زور دار دھماکے کی آواز گونجی تو قانون نافذ کرنے والے ادارے حرکت میں آ گئے۔ کھوج لگائی تو معلوم ہوا یہ عزیز بھٹی تھانے کی حدود میں واقع شادی ہال ہے جہاں نعمان اور سفیان کی شادی ہے۔ شادی کی خوشی میں رشتہ داروں نے آتش گیر مواد کا استعمال کیا تو پولیس نے دونوں دولہا اور رشتہ داروں کو حراست میں لے کر ایکسپلوزو ایکٹ کے تحت مقدمہ درج کر لیا۔ پولیس حکام کا کہنا ہے کہ شادی ہال کا منیجر اور دولہے کے 5 رشتہ دار تاحال فرار ہیں جن کی گرفتاری کو بھی جلد یقینی بنایا جائے۔