نئی دہلی(آئی این پی)بھارت میں دولہا کی طرف سے گاڑی کا مطالبہ کرنے پر دلہن نے شادی کرنے سے انکار کر دیا جس کے بعد لوگوں نے باراتیوں کو یرغمال بنا لیا۔ بھارتی میڈیا کے مطابق ریاست اترپردیش کے ضلع سہارنپور میں دولہا کی طرف گاڑی کا مطالبہ کرنے پر دلہن نے نکاح کرنے سے انکار کر دیا اور ساتھ ہی ساتھ دلہن کے گھر والوں نے باراتیوں کو یرغمال بھی بنا لیا۔

پولیس کے مطابق نکاح کی رسم جب ادا کی جا رہی تھی تو اچانک دولہا نے کہا کہ نکاح کی رسم تبھی ادا ہو گی، جب لڑکی والے اسے گاڑی دیں گے۔ لوگوں نے دولہا کو سمجھانے کی کوشش کی، لیکن وہ اپنی بات سے ٹس سے مس نہیں ہوا۔ اسی دوران دلہن نے نکاح کرنے سے صاف انکار کر دیا۔ جس کے بعد لوگوں نے باراتیوں کو یرغمال بنا لیا تاہم رات گئے ان کو چھوڑ دیا گیا جس کے بعد بارات دلہن کو لیے بغیر واپس چلی گئی۔

موضوعات:انکار باراتی یرغمال دلہن دولہا گاڑی کا مطالبہ