اسلام آباد(مانیٹرنگ ڈیسک)9اپریل کو نجی ٹی وی پروگرام میں پاکستان کے معروف ترین نجومی اور ستارہ شناس عبداللہ شوکت المعروف ماموں کی کئی گئی پیش گوئی جو 10جولائی پانامہ جے آئی ٹی رپورٹ کے بعد حرف بہ حرف سچ ثابت ہوئی۔ معروف نجومی و ستارہ شناس عبداللہ شوکت المعروف ماموں نے 9اپریل کو نجی ٹی وی ایکسپریس نیوز کے پروگرام’’ٹو دی پوائنٹ میں ‘‘

پیش گوئی کرتے ہوئے ملک پاکستان کے زائچہ کے حوالے سے بتایا تھا کہ2016سے برج قوس میں سیارہ زحل رپیٹ ہوا ہے اور جب بھی یہ رپیٹ ہو تو پاکستان کے حوالے سے یہ اچھی خبر نہیں ۔ ماموں نے اس وقت بات کرتے ہوئے بتایا تھا کہ ماہ اپریل کے وسط کے بعد اس کے سامنے سیارہ مریخ بھی وارد ہو جائے گا اور جب بھی برج قوس میں سیارہ زحل رپیٹ ہوا ہے تو اس نے پاکستان کے حالات میں انتشار اور ابتری پیدا کی ہے اور سیارہ مریخ کے سامنے آ جانے کے بعد ملک کے سیاسی حالات میں ابتری پیدا ہونا شروع ہو جائے گی۔پروگرام میں موجودپاکستان کی صف اول کی ہی ایک اور آسٹروپامسٹ سامعہ خان کے مطابق 9مئی کے بعد پاکستان میں حالات سنگین ہوتے نظر آتے ہیں تاہم انہوں نے مارچ 2017کی 21تاریخ کے بعد بین الاقوامی طاقتوں اور پڑوسی ممالک کے ساتھ پاکستان کے تعلقات کو خوشگوار راہ پر گامزن ہونے کی پیش گوئی بھی کی تھی۔پروگرام میں شریک تیسرے ماہر علم نجوم آغا بہشتی نے آئندہ تین ماہ کے حوالے پیش گوئی کرتے ہوئے کہا تھا کہ آنے والے دن عوام اور ملک کیلئے تو بہتر نظر آتے ہیں تاہم حکومت اور حکمران شدید مشکلات میں نظر آرہے ہیں اور ان کے خلاف تحریک شروع ہونے کا بھی اندیشہ ہے۔پروگرام میں شریک تیسرے ماہر علم نجوم آغا بہشتی نے آئندہ تین ماہ کے حوالے پیش گوئی کرتے ہوئے کہا تھا کہ آنے والے دن عوام اور ملک کیلئے تو بہتر نظر آتے ہیں تاہم حکومت اور حکمران شدید مشکلات میں نظر آرہے ہیں اور ان کے خلاف تحریک شروع ہونے کا بھی اندیشہ ہے۔