(مانیٹرنگ ڈیسک)وزیراعظم نواز شریف اور آرمی چیف جنرل قمر جاوید باجوہ کی جانب سے چیمپئنز ٹرافی کی فاتح قومی کرکٹ ٹیم کے اعزاز میں استقبالیہ کے بعد چیف آف نیول سٹاف نے ٹیم کے اعزاز میں عشائیہ کا اہتمام کیا جس کی ویڈیو اور تصاویر سامنے آرہی ہیں۔فائنل میں بھارت کے خلاف دھواں دار سنچری بنانے والے فخر زمان کے بارے میں سب ہی جانتے ہیں کہ وہ کرکٹ میں آنے سے پہلے پاکستان نیوی میں سیلر تھےتاہم
کرکٹ کا شوق انہیں قومی ٹیم میں لے آیا۔ نیول چیف کے دئیے گئے عشائیہ میں جب فخر زمان اپنے دیگر ساتھیوں کے ہمراہ نیول چیف سے ملنے پہنچے تو بے اختیار ان کا ہاتھ سلیوٹ کیلئے اٹھ گیا جب کہ یہ دیکھ کر ان کے دیگر کھلاڑی مسکرا اٹھے۔ اس موقع پر نیول چیف نے انہیں نہایت گرمجوشی سے گلے لگایا اور کرکٹ کی دنیا میں ملک و ملت کے ساتھ پاکستان نیوی کا نام روشن کرنے پر شاباش اور خراج تحسین پیش کیا۔
