راولپنڈی(آئی این پی)آرمی چیف جنرل قمر جاوید باجوہ نے چیمپینز ٹرافی کے فائنل میں بھارت کے خلاف شاندار فتح ھاصل کرنے والی کرکٹ ٹیم اور ٹیم منیجمنٹ کے اعزاز میں استقبالیہ دیا۔ بدھ کو آئی ایس پی آر کے مطابق اس موقع پر آرمی چیف نے قومی کھلاڑیوں سے گفتگو کرتے ہوئے کہا کہ قومی کرکٹ ٹیم نے دنیا بھر میں قوم کا سرفخر سے بلند کردیا، کرکٹ ٹیم نے قوم کو وہ خوشی دی جس کا بہت عرصے انتظار تھا،
جنرل قمر جاوید باجوہ نے کرکٹ ٹیم کی کارکردگی کو سراہا کھلاڑیوں کو مخاطب کرتے ہوئے آرمی چیف نے کہا کہ آپ نے پوری قوم کو خوشیاں دیں،کھلاڑی پاکستان کے سفیرہیں ،تحمل کا مظاہرہ اور محنت جاری رکھیں اس موقع پر پی سی بی کے چیئرمین شہریار خان نے ملک میں کرکٹ کی واپسی کیلئے کردارادا کرنے پر شکریہ ادا کیا،کرکٹ ٹیم نے دہشت گردی کے خلاف پاک فوج کی قربانیوں کو سراہا۔ واضح رہے کہ چیمپینز ٹرافی جیتنے کی خوشی میں آرمی چیف نے قومی کرکٹ ٹیم کو عمرہ کروانے کا اعلان کیا ہے۔
