اسلام آباد (مانیٹرنگ ڈیسک) کرکٹ آسٹریلیا کی جانب سے مرتب کردہ سال کے بہترین ون ڈے پلیئرز کی فہرست دو پاکستانی پلیئر بابر اعظم اور حسن علی کو بھی شامل کر لیا گیا ہے۔اس فہرست کے مطابق ٹاپ 5 ون ڈے بلے بازوں میں ڈیوڈ وارنر، جوروٹ، فاف ڈوپلیسی، بابر اعظم اور کوئنٹن ڈی کوک موجود ہیں، اور باؤلرز میں افغانستان کے راشد خان، پاکستان

کے حسن علی، انگلینڈ کے عادل رشید، آسٹریلوی مچل سٹارک اور انگلش لیام پلنکٹ بھی شامل ہیں۔ اس فہرست میں ٹاپ 3 وکٹ کیپرز میں جوز بٹلر، کوئنٹن ڈی کوک اور میتھیو ویڈ کو شامل کیا گیا ہے۔ سب سے حیران کن بات یہ ہے کہ اس فہرست میں کسی بھی بھارتی کھلاڑی کا نام شامل نہیں ہے حتیٰ کہ ویرات کوہلی جیسا کھلاڑی بھی اس فہرست میں نہیں ہے۔