اسلام آباد(این این آئی)وزیر اعظم محمد نواز شریف نے آئی سی سی چیمپئنز ٹرافی کے فائنل میں روایتی حریف بھارت کو عبرتناک شکست دیکر ٹائٹل اپنے نام کرنے والی قومی کرکٹ ٹیم کے کھلاڑیوں اور انتظامیہ کو انعامی رقم کے چیک تقسیم کئے گئے ۔منگل کو آئی سی سی چیمپئنز ٹرافی کے فائنل میں روایتی حریف بھارت کو عبرتناک شکست دیکر ٹائٹل اپنے نام کرنے والی قومی کرکٹ ٹیم کے اعزاز میں تقریب وزیر اعظم ہاؤس میں ہوئی۔
وزیر مملکت برائے اطلاعات و نشریات مریم اورنگزیب، وزیر مملکت برائے پانی و بجلی عابد شیر علی اور وفاقی وزیر منصوبہ بندی احسن اقبال نے ٹیم کا پرتپاک استقبال کیا۔ وزیراعظم نواز شریف، خواجہ آصف، اسحاق ڈار اور کابینہ کے دیگر ارکان تقریب میں شریک ہوئے۔ پی سی بی کے چیئرمین شہریار خان، چیف سلیکٹر انضمام الحق، ایگزیکٹو کمیٹی کے سربراہ نجم سیٹھی، چیف آپریٹنگ آفیسر سبحان احمد، سابق کرکٹرز اور گورننگ بورڈ کے ارکان بھی موجود تھے۔ کاؤنٹی کرکٹ کیلئے انگلینڈ میں موجود پیسر محمد عامر تقریب میں شریک نہیں ہوئے۔ محمد عامر کا چیک پی سی بی کے مینیجر نے وصول کیا۔ کوچ مکی آرتھر و دیگر غیرملکی کوچز بھی اپنے اپنے ملک میں موجودگی کے سبب تقریب میں شریک نہیں ہوئے اور ان کے چیک بھی پی سی بی عہدے داران نے وصول کیے۔ فاتح ٹیم کے کھلاڑیوں محمد اظہر علی ٗفخر زمان ٗ محمد بابراعظم ٗشعیب ملک ٗمحمد حفیظ ٗسرفراز احمد ٗشاداب خان ٗسیدّ عماد وسیم ٗمحمد عامر ٗمحمد جنید خان ٗحسن علی ٗ احمد شہزاد، حارث سہیل ٗ رومان ریئس ٗوہاب ریاض اور فہیم اشرف کیلئے ایک ایک کروڑ روپے نقد انعام دیا گیا وزیر اعظم ہاؤس میں تقریب کے دور ان چیف سلیکٹر انضمام الحق (ایک کروڑ روپے) ٗباؤلنگ کوچ اظہر محمود (50 لاکھ روپے)، ٹیم مینجر طلعت علی ملک (25 لاکھ روپے) ، میڈیا منیجر رضا رشید (25 لاکھ روپے)، سوشل میڈیا مینجر عون محمد زیدی (25 لاکھ روپے) ، انچارج ٹوورآپریشنز شاہد اسلم (25 لاکھ روپے) ٗ کرکٹ اینالسٹ محمد طلحہ اعجاز (25 لاکھ روپے) ٗ سیکورٹی منیجر اظہرعارف (25 لاکھ روپے) ٗ ڈائریکٹر میڈیا امجد حسین(10 لاکھ روپے) ٗ جی۔ایم انٹرنیشنل عثمان واہلہ(10 لاکھ روپے) ، سلیکٹر توصیف احمد (10 لاکھ روپے) ، سلیکٹر وجاہت اللہ واسطی(10 لاکھ روپے) اور سلیکٹر وسیم حیدر کو(10 لاکھ روپے) دیئے گئے مکی آرتھراور 4 معاون کوچز کو 50،50لاکھ، دیگر آفیشلز کو 25، 25لاکھ روپے انعام سے نوازا گیا۔ قومی کرکٹ ٹیم کے تمام کھلاڑیوں اور چار سینئر کھلاڑیوں انضمام الحق، یونس خان، مصباح الحق اور شاہد آفریدی کے لیے صدارتی تمغہ برائے حسنِ کارکردگی کا اعلان کیا گیا ۔
