بیجنگ(نیوزڈیسک )انوکھے پل نے دنیا کو حیران کردیا،یہ کس ملک میں ہے اور اس کی ایسی کیا خصوصیات ہیں جو کہیں بھی نہیں؟حیرت انگیزانکشافات، چین نے تعمیرات کے شعبے میں نئے ریکارڈ قائم کئے ہیں اور اب چین کے پل کے منصوبے نے تو دنیا بھر کو حیران کردیاہے یہ دنیا کا سب سے پیچیدہ فلائی اوور منصوبہ ہے جس کی تصاویر نے انٹرنیٹ صارفین حیران کر کے رکھ دیا ۔

جنوب مغربی چین کے علاقے چونگ چنگ کے ضلع Nan’an کیا جانے والا یہ منصوبہ اپنی مثال آپ ہے جس میں موجود سڑکوں کے لیے پانچ لیئرز اور 20 ریمپس تیار کیے گئے ہیں۔اس فلائی اوور کے ذریعے گاڑیاں 8 مختلف سمتوں کی جانب جاسکتے ہیں اور یہ 16 ہزار میٹر طویل ہے۔سوال یہ ہے کہ آخر اس پیچیدہ پل سے ڈرائیورز اپنی منزل کا تعین کیسے کریں گے یا راستے سے بھٹک جائیں گے۔مگر چینی حکام نے ہر ایک کو یقین دہانی کرائی ہے کہ اس فلائی اوور کی کامیابی سے آزمائش کی جاچکی ہے جبکہ ٹریفک کی رہنمائی کے لیے اشارے بھی لگائے جائیں گے۔حکام کے مطابق اگ کوئی ڈرائیور غلط سمت پر چڑھ بھی جائے تو بھی ایک کلو میٹر سے بھی کم فاصلے پر اس کے پاس درست سمت پر جانے کا راستہ ہوگا۔اس بڑے منصوبے کا آغاز 2009 میں ہوا اور اس کی تکمیل لگ بھگ 8 سال میں ہوئی۔اور اس پر ٹریفک چلنے کا آغاز اگلے سال سے ہورہا ہے مگر اس کی تصاویر نے لوگوں کا اشتیاق ابھی سے بڑھا دیا ہے۔‎