سرگودھا(آئی این پی)انسداددہشت گردی کی خصوصی عدالت کے جج طارق محمودضرغام نے رکن قومی اسمبلی جمشیددستی کی درخواست ضمانت منظورکرتے ہوئے انہیں فوری رہائی کاحکم دیدیا،فاضل عدالت میں پیر کے روز دوران سماعت پولیس نے جمشید دستی کو سخت حفاطتی انتظامات میں پیش کیا،توانکے وکلاء نے عدالت میں وکالت نامہ کے ساتھ انکی درخواست ضمانت بھی دائرکرتے ہوئے عدالت کوبتایاکہ حکومت نے انکے
کلائیٹ کوسیاسی انتقام کانشانہ بناتے ہوئے جھوٹااورمن گھڑت مقدمہ درج کرایاہے۔کیونکہ انکاتعلق اپوزیشن سے ہے،جس پرپولیس نے مخالفت کرتے ہوئے کہاکہ ملزم نے قانون شکنی کرتے ہوئے حکومت اورملک کے خلاف بغاوت کی سٹیٹ کے خلاف عوام کو اکسایااس لیے ایسے مجرم کی ضمانت نہ لی جائے جس پر وکلاء کی بحث کے بعد فاضل جج نے ساڈھے تین گھنٹے کی سماعت کے بعد ایک لاکھ روپے مچلکے جمع کرانے کاحکم دیتے ہوئے جمشیددستی کی ضمانت منظورکرکے انہیں رہاء کرنے کاحکم دیا،جمشیددستی کی طرف سے احمدسعیدگوندل بیرسڑحسن دستگیرکچھیلا،شاہدگوندل ایڈووکیٹس سمیت دیگر وکلاء پیش ہوئے،جمشیددستی کی جمانت منظورہوتے ہی عدالت کے باہرگھنٹوں انتظارمیں موجودکارکنوں میں خوشی کی لہردوڑگئی اورانہوں نے عدلیہ اور جمشیددستی کے حق میں نعرے لگائے۔
