ممبئی(مانیٹرنگ ڈیسک) بالی وڈ اداکار سلمان خان نے کہا کہ وہ ہمیشہ اپنے باندرا کے فلیٹ میں رہائش پذیر رہیں گے۔اداکار سلمان خان نے اپنی تازہ گفتگو میںکہا کہ اگرچہ وہ بڑا بنگلہ خریدنے کے قابل ہیں اس کے باوجود بھی وہ ہمیشہ اپنے باندرا کے فلیٹ میں رہائش پذیر رہیں گے کیونکہ اس فلیٹ سے ان کی بہت سی بچپن کی یادیں جڑی ہیں،

دوسری بڑی وجہ یہ ہے کہ ان کے والدین کا اس فلیٹ سے بہت لگاؤ ہے اور وہ یہیں رہنا چاہتے ہیں،اداکار نے اپنی نئی فلم ٹیوب لائٹ کے حوالے سے بات کرتے ہوئے کہا کہ فلم میں ان کا کردار منفرد ہے امید کرتے ہیں فلم کامیابی سے ہمکنار ہو گی،فلم کا ٹریلر ریلیز ہو چکا ہے جسے اب تک ان کے سینکڑوں مداح دیکھ اور پسند کر چکے ہیں،فلم 23 جون کو سینما گھروں کی زینت بنے گی۔

موضوعات:سلمان خان