اسلام آباد(نیوز ڈیسک)فضائی کمپنی “جرمن ونگز ” کا بدقسمت طیارہ اسپین کے شہر بارسلونا سے جرمنی جا رہا تھا۔ جہاز پر عملے کے چھ ارکان اور 144 مسافر سوار تھے۔ جائے حادثہ پر سرچ آپریشن جاری ہے۔ ریسکیو ٹیمیں جہاز کے ملبے تک پہنچ چکی ہیں۔ تاہم دشوار گزار پہاڑی راستوں کی وجہ سے جہاز کا ملبہ اکٹھا کرنے میں سخت مشکلات کا سامنا ہے۔ یورپی میڈیا کے مطابق ریسکیو کارکنوں نے جہاز کا بلیک باکس تلاش کر لیا ہے۔ طیارہ حادثے کے بعد فرانسیسی صدر نے صحافیوں سے گفتگو کرتے ہوئے تصدیق کی حادثے میں کوئی مسافر زندہ نہیں بچا۔ دوسری طرف جرمن چانسلر نگیلا مریکل جنوبی فرانس میں جائے حادثہ پر پہنچیں گی۔