ممبئی (این این آئی)بالی ووڈ اداکار سلمان خان نے کہا ہے کہ ان کی بیماری’’فیشل نرو ڈس آرڈر‘‘نے ان کو پہلے سے زیادہ محنت کرنے کی تحریک دی۔سلمان خان نے حال ہی میں بات چیت میں اپنی بیماری کے بارے میں پہلی بار بات کرتے ہوئے کہا کہ ان کی اعصابی بیماری ’’فیشل نرو ڈس آرڈر‘‘جس کو ’’ٹریگمینل نیورالجیا‘‘بھی کہتے ہیں نے ان

کو پہلے سے زیادہ بڑھ کر محنت کرنے اور اداکاری کو سنجیدگی سے لینے کی تحریک دی۔سلمان خان نے بتایا کہ اس بیماری سے وہ بدترین درد کا شکار ہوتے ہیں لیکن انھوں گھٹنے ٹیکنے کے بجائے اس سے مقابلے کے لئے اپنے کو مضبوط بنایا۔سلمان نے کہا کہ درد کتنا بھی زیادہ ہو انھیں اس بات کا ادراک ہوا کہ اپنے سین میں کسی متبادل کی گنجائش نہیں ہے۔