اسلام آباد(مانیٹرنگ ڈیسک)90کی دہائی میں بچوں کے معروف ڈرامہ سیریل ’’عینک والا جن‘‘نے دھوم مچا دی تھی، بچے تو بچے بڑے بھی ’’عینک والا جن‘‘کی اگلی قسط کا بے چینی سے انتظار کرتے تھے۔ڈرامہ کے دو معروف کردار ’’عمران اور معطر‘‘کو ڈرامہ دیکھنے والےماضی کے بچے اور آج کے والدین ضرور جانتے ہونگے۔
عمران کا اصل نام سید اجلال بخاری ہے اور وہ اس وقت ایک فیس بک پیج کے ذریعے ’’عینک والا جن ‘‘کی کسمپرسی کی حالت میں زندگی بسر کرنے والی کاسٹ کی مدد کیلئے کوشاں ہیں۔ عمران اور معطر اب کیسے دکھتے ہیں تصاویر دیکھ کرآپ ماضی کے دھندلکوں میں چھپے اپنے بچپن کے وقت میں اور خوبصورت یادوں میں کھو سے جائیں گے۔
