کراچی: (نیوز ڈیسک) ماہرین نے تیارکرلئے ایسے لینس جومنظرکوتین گنا بڑا کرکے دکھا سکتے ہیں، لینس کمزوربینائی والے افراد کے لیے بھی مفید ثابت ہونگے۔لینس میں ایک سوئچ بنایا گیا ہے جو معمول کی بصارت کو بڑا کرکے دکھانے کا آپشن بھی فراہم کرتا ہے منظر کوبڑا دیکھنے کے لئے لگانا پڑے گی بیٹری سے چلنے والی ایک عینک جس میں ایل سی ڈی ٹیکنالوجی کے ذریعے آنکھ کی حرکت کو نوٹ کیا جاسکے گا۔انسانی آنکھ اب دوربین کا کام کرے گی، سائنس دانوں نے ایسے کانٹیکٹ لینس تیار کرلیے ہیں جسے لگا کر کسی بھی منظر کو تین گنا بڑا دیکھا جاسکتاہے۔\سوئزرلینڈ میں تیار کیےگئے اس کانٹیکٹ لینس میں فلٹر اور ریفلکٹرکے ساتھ ساتھ ایک اعشاریہ پچپن ملی میٹرموٹا لینس لگایا گیا ہے اور وہ اسے ریفلیکٹِو ٹیلیسکوپ بنا دیتا ہے۔انہیں لگانے کے بعد جب روشنی آنکھوں پر لگے،لینس سے گزرتی ہے تو کئی آئینوں سے ٹکراکر منعکس ہوتی ہے اور چیزیں بڑی نظر آنے لگتی ہیں۔یہ جدید لینس ایسے افراد کے لیے بھی مفید ثابت ہوسکتے ہیں جو کم بصارت رکھتے ہیں جب کہ ان لینس کودوربین کی طرح استعمال کیا جاسکتا ہے۔