لاہور(مانیٹرنگ ڈیسک) معروف کامیڈین عمرشریف جوکہ ان دنوں ہسپتال میں زیرعلاج ہیں ،اب انکی طبیعت پہلے سے سنبھل چکی ہے ۔نجی ٹی وی کی ر پورٹ کے مطابق ہسپتال میں عمرشریف کے مرض کاعلاج کرنے والے ڈاکٹرکامران چیمہ نے کہاہے کہ اب عمرشریف کی طبیعت پہلے بہت بہترہے ۔انہوں نے بتایاکہ عمرشریف کوشوگراوردل کی تکلیف کاعارضہ لاحق ہے اورمعروف فنکارکوگزشتہ دنوں نمونیااورچیسٹ
انفیکشن ہونے کی وجہ سے ہسپتال میں ایڈمٹ کیاگیاتھاجبکہ اب عمرشریف کی حالت بہترہے ۔عمرشریف کی صاحبزادی نے ایک نجی ٹی وی کوبتایاکہ کل میرے والد کوہسپتال سے ڈسچارج کردیاجائےگا۔انہوں نے کہاکہ میرے والد کے بارے میں ان کی طبعیت بگڑنے کی خبروں میں کوئی صداقت نہیں ۔انہوں نے عمرشریف کے مداحوں سے اپیل کی کہ وہ افواہوں پرکا ن نہ دھریں اورمیرے والد کی جلد صحتابی کے لئے دعاکریں ۔۔
