ملتان (مانیٹرنگ ڈیسک) پنجاب میں نئے بلدیاتی قانون میں بلدیاتی اداروں کوآپنی آمدن بڑھانے کےلئے اختیارات دیئے گئے ہیں ۔ایک نجی ٹی وی کے مطابق ملتان کی یونین کونسل نمبر 25اتفا ق پورنےاپنی آمدنی بڑھانے کےلئے انوکھافیصلہ کیاہے اور شادی کے دوران طے پانے والے حق مہرپرڈھائی فیصد ٹیکس عائدکردیاہے

جبکہ دوسری شادی کےلئے یونین کونسل سے اجازت نامہ لینے کی فیس پانچ ہزارروپے کردی ہے۔اس بارے میں معروف عالم دین علامہ حنیف جالندھری نے اس پرردعمل دیتے ہوئے کہاہے کہ بلدیاتی اداروں کی طرف سے یہ شریعت میں مداخلت ہے ۔یہ معاملہ بلدیاتی اداروں کانہیں  اوراس معاملے میں کسی کوبھی مداخلت کرنے کاحق حاصل نہیں ہے ۔