ممبئی(این این آئی) مہیش بھٹ اور پوجا بھٹ 26 سال پہلے آنے والی بالی ووڈ بلاک بسٹر فلم’’ سڑک‘‘ کا دوسرا حصہ بنانے جارہے ہیں۔ فلم کی ہیروئن کیلئے عالیہ بھٹ پر غور کیا جارہا ہے۔بالی ووڈ کے نامور رائٹر، ڈائریکٹر مہیش بھٹ اور پوجا بھٹ 1991 میں آنے والی بلاک بسٹر فلم سڑک کا سیکوئل بنانے جارہے ہیں۔
بلاک بسٹر مووی سڑک میں پوجا بھٹ اور سنجے دت نے اپنی اداکاری کے جوہر دکھائے تھے اور فلم نے زبردست کمائی کے ساتھ ساتھ شائقین کے دلوں میں جگہ بھی بنائی تھی۔فلم کے دوسرے حصوے سڑک 2 کے حوالے سے پوجا بھٹ کا کہنا ہے کہ ان کے والد صاحب سڑک 2 کی کہانی لکھنے میں مصروف ہیں۔ بھارتی میڈیا میں یہ بات بھی عام ہے کہ’’ سڑک ‘‘ کیلئے عالیہ بھٹ کو ہیروئن کے روپ میں دیکھا جائے گا
