نئی دہلی(آئی این پی)بھارت میں پاکستان کے ہائی کمشنر عبدالباسط نے واضح کیا ہے کہ کلبھوشن یادیو کے معاملے میں پاکستان کے داخلی قوانین کسی بھی بین الاقوامی کنونشن پر مقدم ہوں گے۔بھارتی اخبار ٹائمز آف انڈیا کو دئیے گئے ایک انٹرویو میں پاکستانی ہائی کمشنر عبدالباسط نے کہاکہ کلبھوشن یادیو کے معاملے میں پاکستان کے داخلی قوانین کسی بھی بین الاقوامی کنونشن پر مقدم ہوں گے۔
واضح رہے کہ کلبھوشن یادیو کو سزائے موت سنائے جانے پر بھارت میں صف ماتم بچھ گئی تھی اورکافی غور و خوض کے بعد بھارت نے اپنے ایجنٹ کلبھوشن یادیو کی سزا کیخلاف عالمی عدالت انصاف سے رجوع کرلیا ہے ۔انٹرنیشنل کورٹ آف جسٹس نے ٹوئٹ کے ذریعے آگاہ کیا ہے کہ بھارت نے کلبھوشن یادیو کی سزا پر عملدرآمد رکوانے کے لئے اپیل کی ہے جس میں درخواست کی گئی ہے کہ کلبھوشن یادیو کی سزا پر عملدرآمد فوری طور پر رکوایا جائے اور کسی بھی تاخیر یا معاملے کی سماعت کے بغیر پاکستانی حکام کو کلبھوشن یادیو کی سزا رکوانے کا حکم جاری کیا جائے۔بھارتی درخواست میں موقف اختیار کیا گیا ہے کہ اس کے شہری کو طویل عرصے تک حراست میں رکھا گیا اور ایک پریس ریلیز کے ذریعے کلبھوشن یادیو کی سزائے موت کا اعلان کیا گیا ہے جب کہ کلبھوشن تک قونصلر رسائی بھی نہیں دی گئی جو ویانا کنونشن کی خلاف ورزی ہے۔ بھارت نے دعوی کیا کہ کلبوشن یادیو نیوی کا ریٹائرڈ افسر تھا جو ایران میں اپنا کاروبار کر رہا تھا جسے وہاں سے اغوا کرنے کے بعد پاکستان لے جایا گیا۔واضح رہے کہ کلبھوشن یادیو کو گزشتہ سال بلوچستان سے گرفتار کیا گیا ہے جس کے بعد اس نے تحقیقات کے دوران پاکستان کو غیرمستحکم کرنے کا اعتراف کیا تھا۔ گزشتہ سال بلوچستان سے گرفتار کیا گیا ہے جس کے بعد اس نے تحقیقات کے دوران پاکستان کو غیرمستحکم کرنے کا اعتراف کیا تھا۔
