کراچی (نیوز ڈیسک)مچھ جیل میں پھانسی کے قیدی صولت مرزا کے بلیک وارنٹ کیلئے درخواست انسداد دہشت گردی کی عدالت کو موصول ہوگئی ہے، بلیک وارنٹ کا فیصلہ 24مارچ کو ہوگا۔کراچی کی انسداد دہشت گردی کی خصوصی عدالت کو وقت ختم ہونے کے بعد مچھ جیل حکام کی درخواست موصول ہوئی۔ اس لئے درخواست کی سماعت نہیں ہوسکی۔ انسداد دہشت گردی کی عدالت میں بلیک وارنٹ سے متعلق درخواست کی سماعت اب چوبیس مارچ کو ہوگی۔صولت مرزا کو 19مارچ کو مچھ جیل میں پھانسی دی جانی تھی لیکن تختہ دار تک پہنچنے سے کچھ گھنٹے پہلے ہی ویڈیو پیغام منظر عام پر آگیا۔ صولت مرزا کے سنگین الزامات کے بعد وفاق نے پھانسی پر عمل درآمد بہتر گھنٹوں کیلئے روک دیا گیا تھا۔