لاہور (مانیـٹرنگ ڈیسک )وزیراعلیٰ پنجاب شہباز شریف نےپی ٹی آئی کے چیئرمین عمران خان کو ہتک عزت قانون کے تحت 10ارب روپے ہر جانے کا نوٹس بھجوا دیا ۔نجی ٹی وی جیو نیوز کے مطابق وزیراعلیٰ پنجاب شہباز شریف کے وکیل خواجہ حارث نے عمران خان کو ہتک عزت قانون کے تحت نوٹس بھجوایا جس میں کہا گیا کہ عمران خان نے میرے موکل شہباز شریف پر جھوٹا الزام عائد کرتے ہوئے ایک ٹی وی انـٹرویو میں کہا تھا کہ پانامہ کیس میں خاموش رہنے کیلئے مجھے شہباز شریف کے ایک ساتھی کے ذریعے 10ارب روپے کی

پیش کش کی گئی تھی ۔نوٹس میں پی ٹی آئی چیئرمین عمران خان سے مطالبہ کیا گیا ہے کہ وہ بے بنیاد الزامات پر الیکٹرانک اور پرنٹ میڈ یا پر آکر معافی مانگیں اور اگر انہوں نے ایسا نہ کیا توان کے خلاف 14دن کے بعد 10ارب روپے ہر جانے کا دعویٰ عدالت میں دائر کیا جائے گا۔واضح رہے کہ عمران خان نے ایک ٹی وی انٹرویو کے دوران یہ الزام عائد کیا تھاکہ انہیں پاناما لیکس کے معاملے پر خاموش ہونے کے لیے 10ارب روپے کی پیشکش کی گئی تھی اور جس شخص نے پیشکش کی تھی وہ شہباز شریف کا قریبی ساتھی ہے ۔