راولپنڈی (آئی این پی)آرمی چیف جنرل قمر جاوید باجوہ نے کہاہے کہ امن وامان بہتر بنانے پرفوج ،ایف سی اور دیگر قانون نافذ کرنے والے اداروں کا کردار قابل ستائش ہے ،ہم بلوچستان میں ترقی کیلئے تعاون کرتے رہیں گے ۔ہفتہ کو پاک فوج کے شعبہ تعلقات عامہ کے مطابق آرمی چیف جنرل قمر جاوید باجوہ نے آواران بلوچستان کا دورہ کیا جہاں انھیں سیکیورٹی صورتحال ،جنوبی بلوچستان میں فوج اورایف سی کے کمیونٹی معاونت اقدامات پربریفنگ دی گئی ۔

آرمی چیف کو بتایا گیا کہ ڈیڑھ لاکھ افراد کو طبی سہولیات فراہم کی گئیں اورڈی ایچ کیو آواران کی صلاحیت کو بڑھانے کیلئے سول انتظامیہ کے ساتھ ایک فعال شراکت داری کی گئی ہے ۔فوج اور ایف کی طرف سے قیام اور طعام کے ساتھ آواران کے200طلبا کو مفت تعلیم دی جارہی ہے۔ایف سی بلوچستان کی جانب سے ایک نیا اسکول بھی قائم کیا گیا ہے ۔آئی ایس پی آر کے مطابق آرمی چیف جنرل قمر جاوید باجوہ کا کہنا تھاکہ امن وامان بہتر بنانے پرفوج ،ایف سی اور دیگر قانون نافذ کرنے والے اداروں کا کردار قابل ستائش ہے ۔ہم بلوچستان میں ترقی کیلئے تعاون کرتے رہیں گے ۔بعد ازاں آرمی چیف جنرل قمر جاوید باجوہ سے مقامی عمائدین نے بھی ملاقات کی ۔مقامی عمائدین نے علاقے میں امن وامان کی بہتر صورتحال اور ترقیاتی کاموں پر پاک فوج کی کوششوں کو سراہا۔آرمی چیف نے مقامی عمائدین کا پاک فوج کے ساتھ تعاون پر شکریہ ادا کیا۔اس سے قبل آرمی چیف کا آوران پہنچنے پر کمانڈر سدرن کمانڈ لیفٹیننٹ جنرل عامر ریاض نے استقبال کیا۔جنرل قمر جاوید باجوہ سے مقامی عمائدین نے بھی ملاقات کی ۔مقامی عمائدین نے علاقے میں امن وامان کی بہتر صورتحال اور ترقیاتی کاموں پر پاک فوج کی کوششوں کو سراہا۔آرمی چیف نے مقامی عمائدین کا پاک فوج کے ساتھ تعاون پر شکریہ ادا کیا۔اس سے قبل آرمی چیف کا آوران پہنچنے پر کمانڈر سدرن کمانڈ لیفٹیننٹ جنرل عامر ریاض نے استقبال کیا۔