اسلام آباد(مانیٹرنگ ڈیسک)فلم ’’ایک تھا ٹائیگر‘‘ اور ’’ بجرنگی بھائی جان‘‘ کے بعد ڈائریکٹر کبیر خان اور سلمان خان ’’ٹیوب لائٹ ‘‘ لا رہے ہیں۔ فلم کا ٹیزر کل ریلیز ہوا اور صرف ڈھائی گھنٹے کے دوران ایک لاکھ افراد نے اسے دیکھا .

تہلکہ خیز فلم ’’باہو بلی‘‘ کے ٹیزر کا ریکارڈ توڑ دیا جسے تین گھنٹوں میں ایک لاکھ افراد نے دیکھا تھا۔فلم 1962 میں بھارت اور چین کے درمیان جنگ کے تناظر میں بنائی گئی ہے۔ سلمان خان نے اس فلم میں ایک ایسے شخص کا کردار نبھایا ہے جس کی ذہنی صلاحیتیں عام افراد سے کم ہیں (یعنی وہی ٹیوب لائٹ ہیں)۔ جنگ کے دوران سلمان کا بھائی بارڈرکے اس پارکھوجاتا ہے ، کہانی میں دکھایا گیا ہے کہ کس طرح سے سلمان خان بارڈر کراس کر کے اپنے بھائی کو تلاش کرتا ہے۔فلم میں سلمان خان کے مقابل چینی اداکارہ ڑوڑو ہیں جن کی یہ پہلی بالی ووڈ ڈیبیو فلم ہوگی۔ فلم کے دیگر کرداروں میں سلمان کے بھائی سہیل خان اورمختصرکردار ادا کرنے والے شاہ رخ خان بھی شامل ہیں جنہیں دو منٹ دورانیے کے اس ٹیزر میں نہیں دکھایا گیا۔توقع کی جا رہی ہے کہ سلو بھیا کہ یہ فلم بھی میدان مار لے گی۔ فلم رواں سال عیدالفطر کے موقع پر 23 جون کو ریلیز کی جا رہی ہے۔