کراچی(آئی این پی )سندھ ہائی کورٹ نے آصف زرداری کے لاپتہ ساتھی غلام قادرمری اور دیگر کی بازیابی کے لیے جے آئی ٹی بنانے کا حکم دے دیا ۔سندھ ہائی کورٹ میں پیپلزپارٹی کے شریک چیئرمین آصف علی زرداری کے قریبی ساتھی غلام قادرمری اور دیگرکی گمشدگی سے متعلق درخواست کی سماعت ہوئی۔ سماعت کے دوران عدالتی حکم کے باوجود غلام قادرمری کا تاحال کوئی پتہ نہیں چلایا جاسکا،
سندھ ہائی کورٹ نے لاپتہ افراد کی بازیابی کے لیے جے آئی ٹی کی تشکیل کا حکم دیا جس پرکیس کے تفتیشی افسرنے عدالت کو بتایا کہ جے آئی ٹی کی تشکیل کے لئے پہلے ہی محکمہ داخلہ کو خط لکھ چکے ہیں، بعد ازاں عدالت عالیہ نے کیس کی سماعت 18 مئی تک ملتوی کردی۔واضح رہے کہ 8 اپریل کوغلام قادرمری جامشوروکے قریب اپنے 3 ساتھیوں کے خان محمد منگی، سجاد آرائیں اور ڈرائیور محبوب خاص خیلی کے ہمراہ لاپتہ ہوگئے تھے۔
