لاہور( این این آئی) پاکستان تحریک انصاف کے چیئرمین عمران خان کی جانب سے پانامہ لیکس پر خاموش رہنے کے لئے 10ارب روپے کی پیشکش کے بیان کا سوشل میڈیا پر بھی چرچا اور IwasOffered10BillionFor # کا ہیش ٹیگ پاکستان میں پہلے 10ٹرینڈز میں آگیا ۔ ایک صارف نے ٹویٹ کرتے ہوئے لکھا ہے کہ خان صاحب کو 10 ارب کا میسج کہیں بینظیر انکم سپورٹ والوں کی طرف سے تو نہیں آیا۔
ایک صارف نے لکھا کہ دس ارب روپے ملیں گے۔ پانچ ارب عید مبارک کے نوٹوں کی شکل میں اور باقی روپے مونوپلی کی رقم کی شکل میں۔ایک اور صارف نے طنز کرتے ہوئے لکھا کہ بریانی پر مان جانے والے سپورٹرز کے لیے یہ یقین کرنا مشکل ہے کہ کوئی بندہ دس ارب کی بڑی پیشکش بھی ٹھکرا سکتا ہے۔ایک اور صارف ٹویٹ میں لکھتے ہیں کہ عمران خان نے پیشکش کے حوالے سے مبہم بیان دیا ہے۔
