اسلام آباد(مانیٹرنگ ڈیسک)معروف لیجنڈری بالی ووڈ اداکار ونود کھنہ 70سال کی عمر میں انتقال کر گئے ۔ بھارتی میـڈیا رپورٹس کے مطابق ونود کھنہ رواں ماہ کے شروع میں ڈی ہائی ڈریشن کے باعث ہسپتال منتقل کئے گئے تھے جہاں ان کا علاج جاری تھا۔ معروف لیجنڈری اداکارونودکھنہ6 اکتوبر1946کو پاکستان کے شہر

پشاور میںپیداہوئے، ونودکھنہ نے متعدد سپرہٹ فلموں میں اداکاری کے جوہر دکھائے، انھوں نے141بھارتی فلموں میں کام کیا، امراکبر انتھونی، قربانی، قدرت جیسی فلموں میں ان کی اداکاری نے ان فلموں کو بام عروج بخشا۔ ونود کھنہ آخری بار 2015 میں شاہ رخ خان کی فلم دل والے میں جلوہ گر ہوئے تھے۔