لاہور (آئی این پی )ترجمان پنجاب حکومت ملک محمد احمد نے کہا ہے کہ عمران خان کے الزامات بے بنیاد ہیں سختی سے تردید کرتے ہیں اور عمران خان کے الزامات کے خلاف قانونی چارہ جوئی کا مکمل حق رکھتے ہیں۔بدھ کو ترجمان پنجاب حکومت نے عمران خان کے شریف خاندان کی طرف سے 10ارب کی پیشکش کے الزامات پراپنے ایک بیان میں کہا کہ عمران خان کے الزامات بے بنیاد ہیں اور سختی سے تردید کرتے ہیں

،عمران خان اپنی مردہ سیاست کو زندہ کرنے کیلئے الزامات کا سہارا چھوڑ دیں ، تاریخ میں عمران خان جیسا جھوٹا شخص پیدا ہوا نہیں ہوا، جھوٹ درجھوٹ بولنا الزام خان کا وطیرہ ہے ، عمران خان ہماری طرح خدمت کی سیاست کرتے تو جھوٹ کا سہارا نہ لینا پڑتا،ثبوت کی بات آئے گی تو عمران خان ہمیشہ کی طرح یوٹرن لے لیں گے ۔انہوں نے کہا کہ مسلسل ناکامی اور مایوسی نے عمران خان کو حواس باختہ کردیا ہے ۔