اسلام آباد(مانیٹرنگ ڈیسک) بلوچستان کے صوبائی دارالحکومت کوئٹہ میں دھماکہ ، ایک بچہ جاں بحق ، دو افراد زخمی ۔ تفصیلات کے مطابق کوئٹہ کے نواحی علاقے جناح ٹاؤں کے محلے کلی برات میں دھماکے کے نتیجے میں ایک بچہ جاں بحق جبکہ دو افراد زخمی ہو گئے ہیں ۔
امدادی کارکنوں نے علاقے میں پہنچ کر امدادی کارروائیاں شروع کر دی ہیں۔ جاں بحق ہونے والے بچے کی میت اور زخمیوں کو سول اسپتال کوئٹہ منتقل کردیا گیا ہے۔پولیس اور دیگر قانون نافذ کرنے والے ادارے بھی جائے وقوعہ پر پہنچ چکے ہیں تاہم تاحال دھماکے کی نوعیت معلوم نہ ہو سکی ہے۔
