اسلام آباد(این این آئی)پاکستان تحریک انصاف کے چیئرمین عمران خان نے مردان کی عبدالولی خان یونیورسٹی میں گستاخی کے الزام پر طلباء کے تشدد سے طالب علم کی ہلاکت کی شدید الفاظ میں مذمت کرتے ہوئے کہاہے کہ جنگل کا قانون ہرگز برداشت نہیں کریں گے۔عمران خان نے سماجی رابطے کی ویب سائٹ ٹوئٹر پر اپنے پیغام میں کہاکہ میں اس معاملے پر خیبرپختونخوا کے انسپکٹر جنرل (آئی جی) سے مسلسل رابطے میں ہوں۔پی

ٹی آئی چیئرمین نے سخت الفاظ میں واقعہ کی مذمت کرتے ہوئے کہا کہ جنگل کا قانون ہرگز برداشت نہیں کریں گے۔انہوںنے کہاکہ طالب علم کی ہلاکت میں ملوث افراد کے خلاف کاروائی ضروری ہے۔دوسری جانب پی ٹی آئی رہنما اسد عمر نے واقعہ کی مذمت کرتے ہوئے کہاکہ مردان میں پیش آنے والا واقعہ اس بات کی ایک اور مثال ہے کہ کس طرح بڑھتی ہوئی عدم برداشت معاشرے کے تانے بانے کو تباہ کر رہی ہے۔

موضوعات:عمران خان