اسلام آباد(مانیٹرنگ ڈیسک) پاکستان کے ڈراموں اور ہمارے شو بز ستاروں کی اداکارانہ صلاحیتوں کی دھوم صرف ملک میں ہی نہیں۔ بھارتی ستارے بھی اس بات کے معترف ہیں۔ معروف بھارتی پلے بیک سنگر الکا یاگنک، اداکار احسن خان کی مداح نکلیں۔ ایک ڈرامے میں احسن کی اداکاری اتنی بھائی کہ الکا نے احسن خان کے لیے ویڈیو پیغام جاری کردیا۔ الکا یاگنک کا کہنا
تھا کہ احسن خان عام طور پر رومانوی اداکاری کرتے ہیں لیکن جس طرح انہوں نے ڈرامہ سیریل اڈاری میں بالکل الٹ کردار ادا کیا وہ انتہائی تاریخی ہے، ہم بھارتی اس کردار میں احسن خان کی اداکاری کو دیکھ کر حیران و پریشان رہ گئے ہیں۔ الکا یاگنک کا کہنا تھا کہ احسن خان سے بہتر مذکورہ کردار کوئی ادا نہیں کر سکتا تھا۔ میں احسن خان کی اداکاری کو بہت پسند کرتی ہوں۔
