اسلام آباد(مانیٹرنگ ڈیسک)برازیل میں ایک سانپ نے کانٹوں بھری کھال والے جانور ’خارپشت‘ یعنی سیہ (پورکوپائن) کو نگل لیا لیکن اس کے نتیجے میں خود اس کا حال برا ہوگیا اور ایک نامعلوم شخص نے یہ ویڈیو بنا کر انٹرنیٹ پر ڈال دی جسے دیکھ کر لوگ حیرت اور خوف میں مبتلا ہوگئے ہیں۔بڑی جسامت والا یہ سانپ

’بواؤ‘ (Boa) کہلاتا ہے جو برازیل میں عام پایا جاتا ہے اور یوں لگتا ہے جیسے یہ شدید بھوکا تھا اس لیے سوچے سمجھے بغیر ہی سیہ کو نگل گیا۔ مگر اس کوشش کا بھیانک نتیجہ نکلا اور سیہ کے جسم پر موجود سخت کانٹے اس کی کھال کو چیرتے ہوئے باہر نکل آئے جنہیں اس ویڈیو میں نمایاں طور پر دیکھا جاسکتا ہے۔