صادق آباد (این این آئی) صادق آباد میں جرگے نے چچا کی پسند کی شادی کی سزا 8سال کی بھتیجی کو دیدی جسے 28سال کے شخص کیساتھ ونی کرنے کا فیصلہ سنادیا ۔تفصیلات کے مطابق
صادق آباد میں ایک جرگے نے چچا کو پسند کی شادی کرنے پر اس کی 8 سال کی بھتیجی کو 28 سالہ شخص کیساتھ ونی کرنے کافیصلہ سنا دیا۔بچی کے چچا اقبال نے چند روز قبل دوسرے خاندان کی عورت سے پسند کی شادی کی تھی، اس معاملے پر جرگہ بلایا گیاجس نے معصوم بچی کو ونی کرنے کا فیصلہ سنایا۔8سالہ بچی نے کم عمری میں جبری رشتہ کئے جانے کے فیصلے کیخلاف رو رو کر برا حال کرلیا جبکہ ماں باپ نے اس ظلم سے نجات کیلئے اعلیٰ حکام سے فریاد کی ہے ۔بچی کے والدین پر دوسرے فریق کی جانب سے رخصتی کیلئے دباؤ ڈالا جارہا ہے جبکہ بچی کا کہنا ہے کہ وہ پڑھنا چاہتی ہے۔
