ممبئی (آئی این پی) بالی ووڈ اسٹار عامر خان نے فلم ’دنگل‘ کو پاکستان میں ریلیز کرنے سے انکار کردیا ہے۔تفصیلات کے مطابق بالی ووڈ اداکار عامر خان اپنی بلاک بسٹر فلم دنگل پاکستان میں ریلیز نہیں کریں گے، پاکستانی سینسر بورڈ نے فلم دنگل کے پروڈیوسر اور عامر خان کے سامنے شرط رکھی تھی کہ فلم سے ہندوستان کے قومی ترانہ اور ترنگے سے وابستہ دو مناظر ہٹا
دیئے جائیں۔جس کے بعد بالی ووڈ اداکار عامر خان نے پاکستان میں فلم دنگل کو ریلیز کرنے کا اراد ترک دیا ، ترجمان کا کہنا ہے کہ پاکستانی سینسر بورڈ کا یہ مطالبہ نامناسب ہے۔پاکستان سینسر بورڈ کے سربراہ مبشر حسن کا سوشل میڈیا پر کہنا تھا کہ بورڈ نے فلم سے 2 سین کاٹنے کا اجتماعی فیصلہ کیا اب ڈسٹری بیوٹرز پر منحصر کرتا ہے کہ وہ فلم دنگل ریلیز کرتے ہیں یا نہیں۔
