بیجنگ(آئی این پی)چین پاکستان اقتصادی راہداری منصوبہ (سی پیک) کی شفافیت کے ساتھ تعمیر جاری ہے ۔چینی وزارت خارجہ کے ترجمان ہواچھون اینگ نے گزشتہ روز ایک سوال کے جواب میں کہا کہ سی پیک منصوبہ چین اور پاکستان کے مابین تعاون بے مثال شاہکار ہے جو وسیع پیمانے
پر مشاورت اور منافع کی مشترکہ شراکت داری پر قائم ہے ۔ سی پیک بین الاقوامی اصولوں کے مطابق شفافیت کا حامل منصوبہ ہے ۔ہمیں یقین ہے کہ سی پیک چین اور پاکستان دونوں کے لئے بہترین عام ترقی کا منصوبہ ہوگا اور باہمی روابط اور خطے میں خوشحالی کو فروغ دینے کا سبب بنے گا ۔
