برلن(آئی این پی)جرمن حکومت نے سوشل میڈیا پر نفرت انگیز مواد نہ ہٹانے پر53ملین یورو تک جرمانہ کرنے کا بل منظور کر لیا، سوشل میڈیا کو غلط خبریں اور نفرت انگیز مواد ہٹانے کے لئے ایک ہفتے کا موقع دیا جائے گا۔غیر ملکی میڈیا کے مطابق جرمن حکومت

نے سوشل میڈیا کے گرد گھیرا تنگ کرنے کا فیصلہ کرلیا اس سلسلے میں جرمنی نے ایک قانون منظور کیا ہے جس کے مطابق سوشل میڈیا پر غلط خبریں اور نفرت انگیز مواد کو صارفین کی جانب سے رپورٹ کرنے کے بعد سوشل میڈیا اسے ہٹانے کا پابند ہوگا۔اگر سوشل میڈیا نے ایسا موادرپورٹ کرنے کے ایک ہفتے کے اند ر نہ ہٹایا تو جرمن حکومت اس پر 53ملین یورو تک جرمانہ کرے گی۔جرمن وزیر انصاف ہیکو ماس کے مطابق سوشل میڈیا کے ذریعے جرمنی میں مہاجرین کے حوالے سے غلط خبریں پھیلا کر آئندہ الیکشن میں رائے عامہ خراب کرنے کی کوشش کی جا رہی ہے ۔جرمنی آزادی اظہار رائے پر یقین رکھتی ہے اور جمہوری اقتدار کے لئے آزادی اظہار رائے اہم ہے لیکن آزادی اظہار کے حد وہاں ختم ہو جاتی ہے جہاں سے جرائم کی ابتداہو۔اس لئے سوشل میڈیا پر جرمانے کا قانون پاس کیا ہے اور یہ یہ قانون جرمنی کے بعد یورپی یونین میں نافذ کرانے کی کوشش کی جائے گی۔ اور سوشل میڈیا کو غلط خبریں اور نفرت انگیز مواد ہٹانے کے لئے ایک ہفتے کا موقع دیا