نئی دہلی (آئی ین پی)بھارت میں 6 سالہ بہادر بچی نے اپنی دوست کو مگر مچھ کے منہ سے نکال کراس کی جان بچالی۔بھارتی میڈیا کے مطابق ریاست اڑیسہ کے ضلع کیندرا پارا میں 6 سالہ بچی “تکی” نے اس وقت ہمت کی ایک داستان رقم کی جب وہ اپنی دوست اور ہم جماعت بسنتی کے ہمراہ تالاب میں نہا رہی تھی۔اسی اثنا میں تالاب کی تہہ میں موجود مگر مچھ نے بسنتی کو دبوچ لیا،صورت حال دیکھ کر تکی نے خوفزدہ ہونے کے بجائے اپنی دوست کو بچانے
کا فیصلہ کیا اور قریب ہی موجود بانس اٹھا کرمگرمچھ کے منہ پر دے مارا، مگرمچھ کو حملے کی توقع نہیں تھی ، بانس کے حملے نے کام دکھایا اورمگر مچھ نے بسنتی کو چھوڑ دیا۔ بسنتی کو فوری طور پر تالاب سے باہر نکال کر ہسپتال پہنچایا گیا جہاں اسے طبی امداد دی جارہی ہے۔اہل علاقہ نے بچی کی بہادری کی داستان اردگرد کی آبادیوں کو بتائی جس کے بعد ننھی تکی مقامی سطح پر ایک ہیرو کا روپ دھار چکی ہے اور اس کی خوب پذیرائی ہو رہی ہے۔
