سوات( نیوزڈیسک) مدین کے علاقے بشی گرام میں گھر میں کھلونابم کے دھماکے سے تین افراد جاں بحق اوردو بچوں سمیت تین زخمی ہوگئے جنہیں ہسپتال منتقل کردیاگیا۔ پولیس کے مطابق گھر کے قریب کھیلتے ہوئے بچے ایک کھلونا اْٹھا کر گھر لے آئے جس سے کھیلتے ہوئے دھماکہ ہوگیا ، لاشوں اورزخمیوں کو ہسپتال منتقل کردیاگیا۔ واقعے کے بعد پولیس نے تحقیقات کا آغاز کردیا جبکہ حکام کا کہنا ہے کہ گھر میں موجود افراد کی دہشت گردوں سے تعلق کے حوالے سے بھی تفتیش کی جارہی ہے تاہم تحقیقات مکمل ہونے سے قبل حتمی طور پر کچھ نہیں کہا جاسکتا۔