کراچی( آئی این پی) ٹیسٹ کرکٹر فیصل اقبال نے دوسرے ٹی ٹونٹی میں اوپننگ بلے باز احمد شہزاد کی انجری کو ’ڈرامہ‘ قرار دیتے ہوئے انہیں آسکر ایوارڈ دینے کا مطالبہ کردیا۔ فیصل اقبال نے سماجی رابطے کی ویب سائٹ ٹوئٹر پر پیغام جاری کرتے ہوئے احمد شہزاد کی انجری کو ڈرامہ قراردیکر انہیں تنقید کا نشانہ بناتے ہوئے کہا کہ ’’احمد شہزاد’بہترین ایکٹر‘ ہے،میں احمد شہزاد کی ڈرامے بازی پر اپنی ہنسی کو روک نہیں پارہا،
احمد شہزاد بہت بڑی فلم ہے اور وہ کبھی بھی نہیں بدل سکتا،دوسرے ٹی 20 میں شاندر ایکٹنگ کرنے پر احمد شہزاد کو آسکر ایورڈ ملنا چاہیئے۔فیصل اقبال کا مزید کہنا تھا کہ انجری کا شکار ہونے کے محض 10 منٹ بعد احمد کا گراؤنڈمیں آکر بھاگنا عجیب بات ہے۔‘‘یاد رہے کہ احمد شہزاد دوسرے ٹی ٹونٹی میں ویسٹ انڈین بیٹسمین والٹن سے ٹکرانے کے باعث انجری کا شکار ہوگئے تھے اور انہیں ایمبولینس کے ذریعے گراؤنڈ سے باہر لے جایا گیا
