ملتان(آئی این پی)مہنگی ترین شادیوں کے بعد اب ملتانیوں نے شادیوں میں سادگی کے بھی ریکارڈ توڑدئیے ،دلہا شیخ عرفان کی شیرپرسواری اوردلہا نعمان قریشی کی درجنوں لیموزین گاڑیوں پر بارات کے بعد اب ملتان کا رہائشی دلہا رمضان میٹروبس پر اپنی بارات لے آیا۔قریبی مسجد میں سادگی سے نکاح پڑھوا کر باراتیوں کی بالوشاہی اورپانی سے تواضع کی گئی اور یوں صرف 1250روپے میں دل والا دلہنیاء گھر لے آیا، دلہا رمضان ملتان کے علاقے منظورآباد کا رہائشی ہے ،سفید شلوار
قیمض اورکالی ویسٹ کوٹ پہنے دولہا رمضان باراتیوں کے ہمراہ میٹروبس اسٹیشن چوک منظورآبادسے شام 5بجے روانہ ہوااورمیٹروبس اسٹیشن شاہ رکن عالم کالونی اترکرقریبی مسجد سے نکاح پڑھواکردلہن صدف کو بیاہ کرگھر لے آیا،دلہا کی بارات میں 60کے قریب باراتی شامل تھے جن کے میٹروبس میں سفرکے ٹوکن کراچی سے آئے ہوئے دلہا کے ماموں عبدالقدیرنے خریدے تھے۔مہنگی ترین شادیوں کے بعد اب ملتان میں اس سادگی سے ہونے والی منفرد شادی کے بھی چرچے ہیں۔
